Chitra Seema

Vasanta Kokila

2011-12-15T23:25:00.000-08:00

Film: Vasanta Kokila (19-02-1982)

Director: Balu Mahendra

Cast: Kamal Hasan, Sridevi, Silk Smitha

మూన్డ్రుం పిరై అనే తమిళ్ చిత్రం చిత్రం విడుదల రోజే తెలుగులో కూడా డబ్ చేయబడింది. తమిళ్ లో ఎంత హిట్ అయిందో తెలుగులో కూడా అంటే హిట్ అయింది. కమల్, శ్రీదేవి ల నటన అద్భుతంగా ఉంటుంది. చిత్రం కంట కనీరు పెట్టిస్తుంది చివరకు. ఇదే కథాంశంతో తెలుగులో తరువాత రాజశేఖర్, సౌందర్యల తో ఒక సినిమా వచ్చింది, అది కూడా బాగా హిట్ అయింది. సిల్క్ స్మిత కెరీర్ లో కూడా ఇదొక గుర్తుండిపోయే చిత్రంగా నిలిచింది.

Sakala Kala Priyudu

2011-12-15T22:27:00.000-08:00

Film: Sakala Kala Priyudu (1982)

(Dubbed from Tamil Film - Payanangal Mudivathillai (1982))
Director: R.Sundara Rajan

Cast: Mohan, Poornimajayaram

ఈ చిత్రం తమిళ్ లో సూపర్ హిట్ అయింది (500 రోజుల పైనే ఆడి చరిత్ర సృష్టించింది). కాగా తమిళ్ లో 1982 లోనే సకల కళా వల్లభన్ అని కమల్ హసన్, అంబిక నటించిన సినిమా వచ్చింది, బాగా హిట్ అయింది. ఆ స్ఫూర్తితోనో లేక పోటీగానో ఈ తమిళ చిత్రాన్ని తెలుగులో సకల కళా ప్రియుడు గా డబ్ చేశారు. మోహన్ నటించిన తమిళ చిత్రాలు తెలుగులో అనువదించేవారు, అప్పట్లో మోహన్ తెలుగులో కూడా కొన్ని చిత్రాల్లో నటించాడు, తెలుగు వారికి కమల్, రజనీకాంత్ లా బాగా దేగ్గరయ్యాడు. ఇంకా చెప్పాలంటే మోహన్ చిత్రాలే వారికంటే ఎక్కువ తెలుగులోకి డబ్ చేయబడి విజయవంతమయ్యాయి. సకల కళా ప్రియుడు లోని ఇళయరాజా సాంగ్స్ చాలా బాగుంటాయి.

Ramarajyam

2011-12-07T07:34:00.001-08:00

రామరాజ్యం

Banner: Rama Vijetha Films

Released : 1973

Cast :

Jaggaiah, Savitri

SVR, Chandramohan, Rojaramani, Rajababu, Vijayalalitha, Chayadevi

Beauty Queen

2011-11-29T01:47:00.001-08:00

అలననాటి అందాల తార - రాజశ్రీ

Rajashri

Cheppukondi ?

2011-11-15T02:07:00.001-08:00

చెప్పుకోండి చూద్దాం?

ఈ కింది ఫోటోలో ఉన్నది అలనాటి తారలు వారెవరో చెప్పుకోండి?

Pandantikapuram Silver Jubilee Function

2011-11-14T08:58:00.001-08:00

పండంటి కాపురం రజతోత్సవ వేడుకలు

Released on : 21.07.1972

Banner: Jayaprada Pictures

Director: P.Lakshmi Deepak

Producer: G.Hanumantha Rao

Music: Kodandapani

Cast :

Krishna, Vijaya Nirmala, S.V.Ranga Rao, Gummadi, Prabhakara Reddy, Anjali, Jamuna, B.Sarojadevi, Jayasuda

Chief Guest Vaheeda Rehman

Krishna, Jamuna, Vaheeda Rehman

Krishna, Arudra

G.Hanumantha Rao, Vaheeda Rehman, Lakshmee Deepak

Krishna with B.Nagireddy

Premaktha

2011-11-14T02:48:00.001-08:00

ప్రేమకథ

(1968)

Premakatha (1968)

Paapa Kosam

2011-11-07T08:54:00.000-08:00

Paapa Kosam

Silk Smitha

2011-11-07T08:40:00.000-08:00

Silk Smitha - Oka Abhaagyuraalu

సిల్క్ స్మిత అంటే చిన్న పిల్లాడి నుండి పండు ముదుసలి వరకు తెలియని వారుండరు. అసలు పేరు విజయలక్ష్మి, పుట్టింది ఏలూరులో (2 Dec 1960). తన తల్లి నరసమ్మతో కలిసి 1978 లో మద్రాసులో ఆగుపెట్టిన విజయలక్ష్మి సినిమా ప్రయత్నాలు మొదలు పెట్టింది, మొదట మేకప్ అమ్మాయి గా చేరి జూనియర్ ఆర్టిస్ట్ గా పలు చిత్రాల్లో కనిపించింది. ప్రాముఖ్యం ఉన్న పాత్రలో నటించిన తొలి చిత్రం వందిచక్రం (తమిళం-1979) లో సిల్క్ అనే పాత్రలో నటించటంతో అదే పేరున సిల్క్ స్మిత గా పిలువబడింది. అదే సినిమా ఘరానా గంగులు పేరుతో తెలుగులో తీయబడితే ఆ పాత్రను తెలుగులో కూడా తనే పోషించి తెలుగు వారికీ పరిచయమయింది. బొద్దుగా ఉండడం, ముద్దు ముద్దుగా మాట్లాడడం, మత్తు కళ్ళు అందరినీ మైమరపించేశాయి. అతి తక్కువ కాలంలోనే తారాపథానికెదిగిపోయింది, హీరోయిన్ పాత్రల్ని పోషించటమే కాక నిర్మాతగానూ మారిపోయింది. అన్ని భాషల్లో కలిపి దాదాపు 500 సినిమాల్లో నటించి రికార్డు సృష్టించింది.

ఆమె నిజజీవితం - చిత్రజీవితం నాణానికి రెండు వైపులా విభిన్నంగా ఉండే బొమ్మ - బొరుసు లాంటిది. చిత్రాల్లో వాంప్ పాత్రలు వేసినా నిజజీవితంలో ప్రేమకై తపించి ప్రేమకై మరణించిన ప్రేమమయి. కేవలం డాన్సు పాత్రల్లోనే కాక నటనకు ప్రాధాన్యత ఉన్న పాత్రల్లో నటించి మెప్పించిన నటి స్మిత. కథానాయికగా పలు చిత్రాల్లో నటించటమే గాక తనే నాయికగా తన మాతృభాష తెలుగులో చిత్రాన్నినిర్మించింది. షూటింగ్ సమయాల్లో అందరితో సరదాగా ఉండే మంచి మనిషి, ముసలి వాళ్ళను కూడా ఏ బాబూ అంటూ సౌమ్యంగా పలకరించిన మనిషి. ఎవ్వరి మనసును నొప్పించక, ఎవ్వరితోనూ గొడవ పడక మనుగడ సాగించిన సౌమ్యస్తురాలు.

తెలుగు నాట పుట్టి తమిళంతో చిత్ర రంగ ప్రవేశం చేసి అక్కడ గుర్తింపు తెచ్చుకుని తరువాత తెలుగులోనే కాక, మలయాళం, హిందీ, కన్నడ వంటి పలు భాషల్లో నటించింది. మొదట్లో పనికి రావు పొమ్మన్ననిర్మాతలే ఆమె కాల్శీట్లకై పడిగాపులు గాచారు. ఒక టైం లో ఆమె సినిమాలు కనక వర్షం కురిపించాయి, ఆమె తమ చిత్రంలో కనబడితే చాలు అనుకున్నారు నిర్మాతలు. అగ్ర హీరో అయిన సూపర్ స్టార్ NTR నాదేశం చిత్రం పబ్లిసిటీ పోస్టర్ పైనే ప్రత్యేకంగా ఆమెని వేశారంటే ఆమెకున్న క్రేజ్ ని అర్థం చేసుకోవచ్చు.

శృంగార పాత్రలు వందలు పోషించినా నటిగా ఆమెకు గుర్తింపు తెచ్చిన చిత్రాలు - వసంత కోకిల, పులిదెబ్బ, అభిమన్యుడు, పారిపోయిన ఖైదీలు, విషకన్య, మాయలాడి, స్వాతంత్ర్యానికి ఊపిరి పోయండి, వీర విహారం లాంటివి కలవు. పల్నాటి పౌరుషం చిత్రం లోని పాత్ర ఎంతో సానుభూతిని పొందటమే కాక అందులోని "బావలు సయ్యా" పాట ఆల్ టైం హిట్ గా నిలిచిపోయింది.

సాఫీగా సాగిపోతున్న స్మిత జీవితంలోకి ప్రేమద్రోహి ప్రవేశించటం-మోసగించటం, చిత్ర నిర్మాణాన్ని చేబట్టి ఆర్థికంగా నష్టపోవటం, ఆదుకునే వారే కనిపించకపోవటం, దరికిచేరే దారి దారిలో కానరాకపోవటం. కుప్పలు కుప్పలుగా నోట్ల కట్టలు కనిపించినప్పుడు చుట్టూ చేరిన వాళ్ళు - అప్పుల కుప్పలు కనిపించగానే కనిపించకుండా పోవడం ఆమెని మానసిక క్రుంగ దీశాయి. ఇంకా జీవించటం వృధా అనుకున్న ఆమె 23 సెప్టెంబర్ 1993 న ఉదయం 9 గంటల ప్రాతంలో మద్రాసులో తాను ఉండే అపార్టుమెంట్లో ఫ్యాన్ కు చీరతో ఉరివేసుకుని తనువు చాలించింది. ప్రేమకరువై మరో తార నేల రాలింది.

ప్రస్తుతం సిల్క్ స్మిత జీవిత గాథకు హిందీలో The Dirty Picture గా తెరరూపం లభించడంతో ఆమె జీవితం కొత్త తరానికీ తెలిసే అవకాశం కలిగింది. కానీ సినిమా టైటిల్ లోనే అసభ్యత వినిపిస్తుండటంతో అసలు సినిమాలో ఆమె కథను ఉన్నది ఉన్నట్టు చూపిస్తారా! లేక చనిపోయాక కూడా ఆమెపై వ్యాపారం చేస్తారా! అన్న సందేహం కలుగుతుంది. సిల్క్ స్మితగా అగ్ర హీరోయిన్ విద్యాబాలన్ నటిస్తుండటంతో అంత అద్వాన్నంగా తీయరేమో అనీ సమాధాన పరుస్తుంది. ఏమైనా మన తెలుగు అమ్మాయి భారత దేశమంతటా గుర్తింపు పొందటం విశేషమే. ఆ చిత్రం ఎలా చూపించినా అభిమానుల గుండెల్లో ఆమె స్థానం పదికాలాల పాటు పదిలంగానే ఉంటుంది.

Silk Smitha in Naadesham (1982)

Smitha Last Photo

Smitha Last Letter

Sankarabharanam Songs -13

2011-10-05T03:18:00.000-07:00

శంకరాభరణం చిత్రంలోని పాటలు

Song : Dorakuna Ituvantiseva

తులసి శాస్త్రి గారిని ఆర్థికంగా ఆదుకోవాలని అనుకుంటుంది. తన తల్లి తన పేర రాసిపోయిన ఆస్తి కాగితాలు అందజేస్తూ వద్దంటే, ఏ ధర్మకార్యానికైనా ఉపయోగించు అని సలహా ఇస్తాడు మాధవా చారి తులసికి. శాస్త్రి అప్పటికే తన ఇల్లు షావుకారు దగ్గర తనఖా పెట్టి అవసరమైనపుడు డబ్బు తెచ్చుకుంటూ ఉంటాడు, ఒకసారి శాస్త్రి షావుకారు ను డబ్బు అడుగుతున్నపుడు పక్కనే వున్నతులసి వారి మాటలు వింటుంది. ఇప్పటికే ఇంటి విలువకు మించే ఇచ్చాను ఇవ్వలేనని అంటూనే ఎంత అవసర మోస్తేగాని అడగరు తమరు అంటూ కొంత డబ్బు ఇస్తాడు. ఎలా బ్రతికిన మనిషి కళకు ఆదరణ లేక ఎలా అయిపోయాడు అనుకుంటుంది తులసి. శాస్త్రి గారు షావుకారు దెగ్గర తీసుకున్న అయిదు వేలు ఇచ్చివేసి ఇంకా మళ్ళీ శాస్త్రి గారు డబ్బు ఎప్పుడడిగినా ఇవ్వండి, నేను తీర్చేస్తాను కాని ఈ విషయం శాస్త్రి గారికి చెప్పొద్దని చెప్పి వెళ్లబోతుంటే శాస్త్రి రావటం చూసి పక్కన దాక్కుంటుంది, నిన్ను ఇంకా ఇబ్బంది పెట్టాను అంటూ తన గండపెరండాన్నిపెట్టుకుని కొత్త డబ్బు ఇవ్వమంటాడు శాస్త్రి, మీ గొప్ప సంగీతానికి గుర్తింపుగా ప్రజలు ఇచ్చిన ఆ బహుమతిని మీ దెగ్గర ఉంటేనే బాగుంటుంది అని శాస్త్రి కాలికే తొడగి డబ్బు ఇస్తాడు షావుకారు. శాస్త్రి పెళ్లి కార్డులు పంపుతాడు అందరికీ. తులసి అదే రోజు శాస్త్రి గారిచే తిరిగి ఒక సంగీత కచ్చేరి ఏర్పాటు జేయాలని భావించి, శాస్త్రి ఎన్నో కచ్చేరీలు ఇచ్చి మూతపడిన హాలునే కొనుక్కుని అందంగా తీర్చి దిద్ది శంకరాభరణం శంకర శాస్త్రి కళా మందిరం అని పేరు మారుస్తుంది. మాధవాచారి శాస్త్రిని కచ్చేరి కి ఒప్పించి పెళ్లికాగానే హాలుకి తీసుకువస్తాడు, కూతురు పెళ్ళైన ఆనందం ఒకపక్క మరోపక్క చాలా కాలం తరువాత తన గానానికి మళ్ళీ గుర్తింపు లభించిందని సంతోషపడి, ఆ కచ్చేరి పెట్టించిన మహానుభావులకు, కళా పోషకులకు క్రుతజ్ఞాతాభినందనలు తెలుపుకుని దొరకునా ఇటువంటి సేవ అని పాడుతుంటాడు, ఆ గాన మాధుర్యంలో మునిగిపోయిన తులసి శాస్త్రి గారి గానం మళ్ళీ పదిమందిలో విని ఉప్పొంగిపోతు శాస్త్రి గారు చేసిన కృతజ్ఞతా వందనాలకు చాటునుండే నమస్కారాలు పెడుతుంది. శాస్త్రి వయస్సు, ఆరోగ్యం గానానికి సహకరించక గుండెపోటు వస్తుంది, గానం మద్యలో ఆపకూడదని పాడటానికి శతవిధాలా ప్రయత్నిస్తున్న శాస్త్రికి, నీ పాట పాడటానికి నేనున్నానన్నట్టూ శంకరం తరువాతి చరణాలు అందుకొని పాడతాడు, కామేశం డాక్టరును తీసుకు వస్తే ఇప్పుడు వైద్యం వద్దని సైగతోనే శంకరం సంగీత గానానికి అంతరాయం కలగవద్దని వేదిక పైకి రాకుండా ఆపేస్తాడు. శాస్త్రి గారికి ఏమో జరిగిందని బయట వచ్చిన తులసి శాస్త్రి కంటపడుతుంది, శంకరం తులసి కొడుకే అని గ్రహించిన శాస్త్రి ఎంతో సంతోష పడిపోతాడు, తన సంగీతం మరో తరానికి నిలబడనుందని తృప్తితో వేదికపైనే కన్నుమూస్తాడు, శాస్త్రి చేసిన ఉపకారానికి, తన వాళ్ళ శాస్త్రికి జరిగిన అపచారానికి ఋణం తీర్చుకున్నాని భావించిన తులసి వేదికపైనే శాస్త్రి కాళ్ళపై బడి అలాగే కన్నుమూస్తుంది. తండ్రి ఇంకలేడని నానా.. నాన్నా అంటూ రోదిస్తున్నశారదను అక్కున చేర్చుకుని ఓదారుస్తాడు కామేశం, తల్లికి ఏమో జరిగిందని అమ్మా.. అమ్మా.. అంటూ రోదిస్తున్న శంకరాన్ని దెగ్గర చేర్చుకుని ఊరడిస్తాడు మాధవా చారి. ఆ సంగీత మహానుభావునికి గౌరవసూచకంగా, ఆ మహా తల్లి మహా త్యాగానికి గుర్తింపుగా సభికులందరూ లేచి నిలబడి శ్రద్దాంజలి ఘటిస్తారు.

ఏకాకిగా మిగిలిపోయిన శంకరం, శంకర శాస్త్రి రాగాలు పాడుతూ ఆ సంగీతాన్ని ఇంకా నిలిపేందుకు ప్రయత్నం చేస్తుంటాడు....

(ఈ చివరి క్లైమాక్స్ ఘట్టం హృదయాల్ని పిండివేస్తుంది, సంగీతం పైన ప్రేమనూ, గౌరవాన్ని పెంపొందిస్తుంది. చాలా అద్భుతంగా తీరిచి దిద్దారు ఈ సన్నివేశాన్ని దర్శకులు విశ్వనాథ్ గారు... న భూతో...న భవిష్యతి అన్నాట్టుగా).

=======================================================================

పాట : 13 (దొరకునా ఇటువంటిసేవ)

గానం: యస్.పీ.బాలసుబ్రహ్మణ్యం, వాణీజయరాం

సంగీతం : కే.వి. మహదేవన్

రచన: వేటూరి సుందరరామ మూర్తి

రాగం: కల్యాణి

నటీ నటులు: జే.వి.సోమయాజులు, బేబీ తులసి, మంజు భార్గవి, అల్లు రామలింగయ్య, సాక్షి రంగా రావు, చంద్రమోహన్, రాజ్యలక్ష్మి మొదలగువారు.

=======================================================================

శాస్త్రి:

దొరకునా...దొరకునా...
దొరకునా ఇటువంటి సేవ

దొరకునా ఇటువంటి సేవ
నీ పద రాజీవముల చేరు, నిర్వాణ సోపాన మధిరోహణము సేయుత్రోవ

దొరకునా ఇటువంటి సేవ
నీ పద రాజీవముల చేరు, నిర్వాణ సోపాన మధిరోహణము సేయుత్రోవ
దొరకునా ఇటువంటి సేవ

రాగాలనంతాలు నీ వేయి రూపాలు

భవరోగ తిమిరాల పోకార్చు దీపాలు

రాగాలనంతాలు నీ వేయి రూపాలు

భవరోగ తిమిరాల పోకార్చు దీపాలు

నాదాత్మకుడవై..........
నాలోన చెలగి

నా ప్రాణ దీపమై నాలోన వెలిగే
ఆ.ఆ....ఆ...ఆ...ఆ..

ఆ.ఆ....ఆ...ఆ...ఆ..
ఆ ఆ ..అ ఆ..ఆ..ఆ..ఆ..ఆ...

శంకరం:
అ..అ...ఆ..ఆ...ఆ...ఆ..
నాదాత్మకుడవై నాలోన చెలగి
నా ప్రాణ దీపమై నాలోన వెలిగే
నిను కొల్చువేళ దేవాది దేవా.. దేవాది దేవా....
ఆ..ఆ..అ....ఆ..ఆ..ఆ..ఆ...

దొరకునా ఇటువంటి సేవ
నీ పద రాజీవముల చేరు, నిర్వాణ సోపాన మధిరోహణము సేయుత్రోవ

దొరకునా ఇటువంటి సేవ

ఉచ్వాస నిశ్వాసములు వాయు లీనాలు

స్పందించు నవనాడులే వీణాగానాలు

నడలూ ఎదలోని సడులే మృదంగాలు

ఉచ్వాస నిశ్వాసములు వాయు లీనాలు

స్పందించు నవనాడులే వీణాగానాలు

నడలూ ఎదలోని సడులే మృదంగాలు

నాలోని జీవమై నాకున్న దైవమై

వెలుగొందు వేళ మహానుభావా ..........మహానుభావా....

దొరకునా....... ఇటువంటి సేవ

నీ పద రాజీవముల చేరు నిర్వాణ సోపాన మధిరోహణము సేయుత్రోవ

దొరకునా ఇటువంటి సేవ

దొరకునా....... ఇటువంటి సేవ

Sankarabharanam Songs -12

2011-10-04T09:47:00.000-07:00

శంకరాభరణం చిత్రంలోని పాటలు

Song : Paluke Bangaaramaayena

శాస్త్రి గారు శారద, కామేశం ల పెళ్ళికి అంగీకారం తెలిపినట్టు విన్న శంకరం అటు బడిలో పాఠాలు చెబుతున్న కామేశానికీ, ఇటు ఇంట్లో బట్టలు ఉతుకుతున్న శారద కు సాయంత్రం అయిదు గంటలకి గట్టు కింద గుడికి వచ్చేయమనీ, అర్జెంటని చెబుతాడు. శారద, కామేశం లు ఎందుకో అని సరిగ్గా సమయానికే వస్తారు, అంతవరకూ గుడి ప్రక్కన దాగున్న శంకరం పలుకే బంగారమాయెన అంటూ పాట పాడుతూ వారిద్దరి మద్యన వచ్చి శాస్త్రి గారు మీ ఇద్దరి పెళ్ళికీ ఒప్పుకున్నాడు అని శుభవార్త చెబుతాడు. ఇద్దరినీ తనను ఎత్తుకోమని చెప్పి దేవుని గంటను కొడతాడు. తాము కలగన్నది నిజం అవబోతుందని వారిద్దరూ కలిసి దేవుని గంట కొట్టి నమస్కారాలు తెలుపు కుంటారు.

=======================================================================

పాట : 12 (పలుకే బంగారమాయెన)

గానం: వాణీజయరాం

సంగీతం : కే.వి. మహదేవన్

రచన: రామదాసు (కీర్తన)

రాగం: ఆనంద భైరవి

నటీ నటులు: బేబీ తులసి, చంద్రమోహన్, రాజ్యలక్ష్మి

=======================================================================

శంకరం:
పలుకే బంగారమాయెనా
పలుకే బంగారమాయె పిలిచినా పలుకవేమి
కలలో నీ నామస్మరణా మరవా చక్కని స్వామి
పలుకే బంగారమాయెనా....

Sankarabharanam Songs -11

2011-10-04T09:10:00.000-07:00

శంకరాభరణం చిత్రంలోని పాటలు

Song : Maanikyaveenaam

శాస్త్రి కోప్పడ్డం పెళ్లి చూపులకు వచ్చిన వాళ్ళు వెళ్ళిపోవటం భరించలేని శాస్త్రి స్నేహితుడు మాధవాచారి ధైర్యం చేసుకుని నీవు చేసిన పని ఏమిటి, ఆఖరుకు అమ్మాయిని ఏమి చేద్దామనుకుంటున్నావు అని ప్రశ్నిస్తాడు, కూతురు బంగారు భవిష్యత్తును తాను చేజేతులా చెడగొట్టి తప్పు చేసాను అని భావించిన శాస్త్రి ప్రాయశ్చిత్తంగా చేతిలోనే కర్పూరం వెలిగించి దేవునికి హారతిచ్చి క్షమించమని మనసులో వేడుకుంటాడు. తండ్రి మనసును అర్థం చేసుకున్న కూతురు కనుక వెన్న తెచ్చి రాస్తుంది, కూతురిని దెగ్గరకు తీసుకుని ఎలాగైనా పెళ్ళికి ప్రయత్నించాలి అని భావిస్తాడు శాస్త్రి.

శాస్త్రి గారి దగ్గర అనవసరంగా నోరు జారి శారద ను కాకుండా చేసుకున్నానే అని బాధపడిన కామేశం ఎలాగైనా శాస్త్రిని మెప్పించాలని ప్లాన్ వేస్తాడు. శాస్త్రి రోజు ఊరి చివర మెత్త మీద ఉన్న అమ్మవారి గుడికి వస్తాడని తెలుసుకుని అక్కడే వచ్చేవరకు నిరీక్షించి తాను చూడనట్టు నటిస్తూ అమ్మవారి పైన సుమధురంగా గానం చేస్తాడు. అది విన్న శాస్త్రి ఎవరా అని చూసి కామేశమే తనకు అల్లుడు గా తగునని నిర్ణయించుకుంటాడు.

=======================================================================

పాట : 11 (మాణిక్య వీణాం)

గానం: యస్.పి.బాలసుబ్రహ్మణ్యం

సంగీతం : కే.వి. మహదేవన్

రచన: మహా కవి కాళిదాసు (శ్యామలా దండకము)

రాగం: కల్యాణి

నటీ నటులు: చంద్రమోహన్, జే.వి.సోమయాజులు

=======================================================================

కామేశం:

మాణిక్య వీణాం ముపలాలయంతీం, మదాలసాం మంజుల వాగ్విలాసాం !

మహేంద్ర నీలద్యుతి కోమలాంగీం, మాతంగ కన్యాం మనసా స్మరామి !!

చతుర్భుజే చంద్రకళావతంసే, కుచోన్నతే కుంకుమ రాగషోణే !

పుండ్రేక్షు పాశాంకుశ పుష్పబాణ హస్తే, నమస్తే నమస్తే నమస్తే జగదేక మాతః !!

Sankarabharanam Songs -10

2011-10-04T08:04:00.000-07:00

శంకరాభరణం చిత్రంలోని పాటలు

Song : Saamaja Varagamana

శాస్త్రి గారి సంగీతమంటే గొప్పదిగా భావించే బామ్మ తన మనవడు కామేశ్వర రావు కు శారద ని చేసుకుందామని వస్తుంది. పెళ్లి చూపుల్లో పాట పాడమంటే తండ్రి అనుజ్ఞతో పాడుతుంది శారద, పెళ్లి కుదర బోతుందన్న సంతోషంలో ఊహల్లో విహరిస్తూ కామేశ్వర రావు తో కలలు కంటూ గానంలో శృతి తప్పుతుంది, అంతవరకూ కూతురు గానంలో తన్మయుడైన శాస్త్రి శృతి తప్పటంతో ఉగ్రుడై "శారదా" అని అరచి అందరిముందే శుద్ధ హిందోళంలో రిషభం ఎలా వచ్చింది చెప్పు అంటూ ప్రశ్నించి ఆరోహణ, అవరోహణ లు చెప్పమంటాడు. శారద భయం భయంతో సమాధానాలు చెబుతుంది, ఇంతలో తనకు కాబోయే భార్యకు సపోర్ట్ చేద్దామని మద్యలో తల దూరుస్తాడు కామేశం, కొంత సంగీత జ్ఞానం ఉన్నా శాస్త్రి ముందు భయపడి పోయి అంతూ పొంతూ లేని సమాధానాలు చెప్తాడు, సంగీతం తెలియకపోతే నోరు మూసుకుండాలి గాని మద్యలో తల దూర్చతమెందుకు, రిషభం అని కూడా అని పలకటం చేత గాని సంగీత జ్ఞానం లేని వాడివి నా ముందర నుండి లేచి పొమ్మంటాడు శాస్త్రి.

=======================================================================

పాట : 10 (సామజ వరగమనా)

గానం: యస్.పి.బాలసుబ్రహ్మణ్యం, యస్.జానకి

సంగీతం : కే.వి. మహదేవన్

రచన: మైసూర్ వాసుదేవాచారి (త్యాగరాజ సంప్రదాయ కీర్తన)

రాగం: హిందోళం

నటీ నటులు: రాజ్యలక్ష్మి,చంద్రమోహన్, జే.వి.సోమయాజులు,బేబీ తులసి,నిర్మల,అల్లు రామలింగయ్య,పుష్పకుమారి

=======================================================================

శారద:

సామజ వరగమనా సాదుహృత్ సారసాబ్జ పాల

కాలాతీత విఖ్యాత సామజ వరగమనా

సామని గమజ సుధామయ గాన విచక్షణ గుణశీల

దయాలవాల మాంపాలయ

కామేశం: ఆమని కోయిల -

శారద: ఉహుహూ

కామేశం:
ఇలా నా జీవన వేణువులూదగా

ఆమని కోయిల ఇలా నా జీవన వేణువులూదగా
మధురలాలసల మధుపలాలనల - పెదవిలోని మధువులాను వ్రతము పూని జతకు చేరగా

శారద:
నిసా - దనీ - మదా - గమా - సమమగ - గదదమ -మనినిద - సనిదమ - దనిసా - దనిసా

గదదమ - మనినిద - దససని - గపనిద - నిసగ - నిసగ

సమగమ - గససని - నిగసగ - సనినిద - దనినిద - మదదని - గమదని - సనిదమగస

సామజ వరగమనా సాదుహృత్ సారసాబ్జ పాల

కాలాతీత విఖ్యాత సామజ వరగమనా....ఆ..ఆ..ఆ........

కామేశం:

వేసవి రేయిలా ఇలా నా ఎదలో మల్లెలు చల్లగా

మదిని కోరికలు మదన గీతికలు

పరువమంత విరుల పాన్పు పరచి నిన్ను పలుకరించగా

శారద:

ఊ..ఊ..ఊ..ఊ...ఊ..ఆ..ఆ..ఆ....ఆ..ఆ..ఆ..

గమా - గమదమ గమా - గమనిద మదా - మదనిస దనీనినీని - మదనీ నినీని - గమదా దదాద - మదనీ నినీద మగ - సాసా - సానీ - సాదా - సగమగ - గమదని - గమదని

మదనిస - మదనిస - దనిసగమా.... ఆ..ఆ...ఆ...

శాస్త్రి: శారదా...................

Sankarabharanam Songs -9

2011-10-03T08:53:00.000-07:00

శంకరాభరణం చిత్రంలోని పాటలు

Song : Maanasa Sancharare

శాస్త్రి గారి దగ్గర సంగీతం శ్రద్దగా నేర్చుకోసాగాడు శంకరం, శంకరం లేకుండా ఏ పనీ జరగదు అనేట్టుగా పంచెయ సాగాడు శంకరం. శాస్త్రి పడుకున్నాక కాళ్ళు పడుతూ గురువు గారు నేర్పిన మానస సంచరరే పాటను ప్రాక్టీసు చేసుకోసాగాడు. శ్రీ రమణీ కుచ వరకు వచ్చి తరువాత పదాలు గుర్తుకు రాక రాగం తీస్తుంటే, శాస్త్రి గారు అర్ధ నిద్ర నుండే తరువాత పదాలు చెప్పాడు. ఇలా సంగీత సాధన ఎల్ల వేళలా నిరంతరంగా సాగిపోయింది.

=======================================================================

పాట : 9 (మానస సంచరరే)

గానం: యస్.పి.బాలసుబ్రహ్మణ్యం, వాణీ జయరాం

సంగీతం : కే.వి. మహదేవన్
రచన: సదాశివ బ్రహ్మేంద్రస్వామి (సంప్రదాయ కీర్తన)

రాగం: సామ (శన్ముఖప్రియ)

నటీ నటులు: జే.వి.సోమయాజులు, బేబీ తులసి

=======================================================================

శంకరం:
మానస సంచరరే బ్రహ్మణి మానస సంచరరే
మదశిఖి పించాలన్క్రుత చికురే
మదశిఖి పించాలన్క్రుత చికురే
మహనీయ కపోలజితముకురే
మానస సంచరరే
శ్రీరమణీ కుచ.....శ్రీ... శ్రీ... శ్రీరమణీ...

శాస్త్రి:
శ్రీరమణీ కుచ దుర్గ విహారే
సేవక జన మందిర మందారే

శంకరం:
పరమ హంస ముఖ చందా చకోరే
పరిపూరిత మురళీ రవ దారే.... మానస సంచరరే

మానస సంచరరే అంటూ పాడుతున్న శంకరం

ఆగిపోయిన శిష్యుని గానాన్ని నిద్రలోనూ భోదిస్తూ కంటిన్యూ చేసిన శాస్త్రి గారు

Sankarabharanam Songs -8

2011-10-03T08:01:00.000-07:00

శంకరాభరణం చిత్రంలోని పాటలు

Song : Brochevaarevaruraa

శాస్త్రీయ సంగీతానికి జరుగుతున్న అపచారాన్ని తలచుకున్న శాస్త్రి తన సంగీతాన్నినూతన తరం వాళ్ళకు అందాలి అన్న ఉద్దేశంతో శంకరానికి సంగీతం నేర్పటం మొదలెడతాడు.

=======================================================================

పాట : 8 (బ్రోచేవారెవరురా)

గానం: యస్.పి.బాలసుబ్రహ్మణ్యం, వాణీ జయరాం

సంగీతం : కే.వి. మహదేవన్
రచన: మైసూర్ వాసుదేవాచారి (సంప్రదాయ కీర్తన)

రాగం: ఖమస్

నటీ నటులు: జే.వి.సోమయాజులు, బేబీ తులసి, రాజ్యలక్ష్మి, మంజుభార్గవి

=======================================================================

శాస్త్రి: బ్రోచేవారెవరురా

శంకరం: ఊహూ

శాస్త్రి: నినువినా

శంకరం: నినువినా

శాస్త్రి: రఘువరా

శంకరం: రఘువరా

శాస్త్రి & శంకరం: నను బ్రోచేవారెవరురా నినువినా రఘువరా

శాస్రి: నీ చరణాంబుజములునే

శంకరం: నీ చరణాంబుజములునే

శాస్రి: విడజాల కరుణాల వాళ

శాస్త్రి & శంకరం: బ్రోచేవారెవరురా

శాస్రి: ఓ చతురా ననాది వందిత నీకు పరాకేల నయ్యా

శంకరం: ఓ చతురా ననాది వందిత నీకు పరాకేల నయ్యా

శాస్రి: ఓ చతురా ననాది వందిత

శాస్త్రి & శంకరం: నీకు పరాకేల నయ్యా

శాస్రి: నీ చరితము పొగడలేని, నా చింత దీర్చి వరములిచ్చి వేగమె

శంకరం: నీ చరితము పొగడలేని, నా చింత దీర్చి వరములిచ్చి వేగమె

శాస్త్రి:

సా సనిదపదని సనినిదదప మపాదమా గా మాపదాని - సనీదపమ నిదపమ గమపద మగరిస - సమాగమపద

మాపదని - ససరినీ - నినిసదా - దదనిపాద - మపదని సనిదప - మగమనిదని - పదమాపదని

సమాగరిస - రిసానిదప - సనీదపమ - గామాపదని

శాస్త్రి & శంకరం: బ్రోచేవారెవరురా........

(శాస్త్రి సరిగమలు అంటుంటే శంకరం అందుకోలేక శారద దగ్గర వెళ్లి ఆ పాటను పుస్తకంలో రాయించుకుంటాడు, ఇంటికి వెళ్లి తన తల్లి తులసి దెగ్గర పాడుతూ తల్లికి గజ్జెలు తెచ్చి ఇచ్చి ఆడమంటాడు. శంకర శాస్త్రే పాడుతున్నట్టు తాదాత్మ్యం చెందుతూ నర్తిస్తుంది తులసి.)

శంకరం:

సీతాపతే నాపై నీ కభిమానము లేదా
వాతాత్మజార్చితపాద నా మొరలను వినరాదా
భాసురముగ కరి రాజును బ్రోచిన వాసుదేవుడవు నీవుకదా
భాసురముగ కరి రాజును బ్రోచిన వాసుదేవుడవు నీవుకదా

శాస్త్రి: భాసురముగ కరి రాజుని బ్రోచిన వాసుదేవుడవు నీవుకదా

శంకరం: నా పాతక మెల్ల పోగొట్టి గట్టిగ నా చేయిపట్టి విడువక

శంకరం:
సా సనిదపదని సనినిదదప మపాదమా గా మాపదాని - సనీదపమ నిదపమ గమపద మగరిస - సమాగమపద

మాపదని - ససరినీ - నినిసదా - దదనిపాద - మపదని సనిదప - మగమనిదని - పదమాపదని

సమాగరిస - రిసానిదప - సనీదపమ - గామాపదని

Sankarabharanam Songs -7

2011-10-03T03:38:00.000-07:00

శంకరాభరణం చిత్రంలోని పాటలు

Song : Music Lesson

ఈ సన్నివేశాన్ని అప్పట్లో రికార్డుల్లో పెట్టారు, నా చిన్నప్పుడు చాలా చోట్ల వినిపించేది, తరువాత వచ్చిన కాసెట్స్ లో కనిపించలేదు. తమాషా గానే కాదు, నేడు నూతన సంగీతం పేరుతో శాస్త్రీయ సంగీతాన్ని ముక్కలు చేసే ప్రభుద్దులకు ఇది ఒక చెంప పెట్టులా ఉంటుంది ఈ సన్నివేశం, అందుకే ఇక్కడ పెడుతున్నాను.

=======================================================================

పాట : 7 (సంగీతం పాఠాలు)

గానం: యస్.పి. బాలసుబ్రహ్మణ్యం

సంగీతం : కే.వి. మహదేవన్
రాగం: ---
రచన: జంధ్యాల

నటీ నటులు: ఏడిద శ్రీరాం ప్రసాద్, జే.వి. సోమయాజులు

=======================================================================

ఒక ఇంటి అరుగుపైన ఒక అమ్మాయికి సంగీతంలో ఓనమాలు తెలియని ఒక సంగీతం మాస్టారు సంగీతం పాఠాలు చెబుతుంటాడు.....

మాస్టారు: రాశావా?

అమ్మాయి: రాశానండి.

మాస్టారు: ఇప్పుడు బ్రోచేవారెవరురా అన్న పల్లవి మళ్ళీ వస్తుందన్న మాట. అదీ.... మీ ఇంట్లో రికార్డులూ అవీ చాలా ఉన్నాయి కదూ?

అమ్మాయి: ఉన్నాయండి

మాస్టారు: ఈ కీర్తన ఎప్పుడైనా విన్నావా?

అమ్మాయి: విన్నాను మాష్టారూ .

మాస్టారు: ఎలా విన్నావో పాడు?

అమ్మాయి: బ్రోచేవారెవరురా - నినువినా రఘువరా !

(అని శ్రావ్యంగా పాడితే మాష్టారు కి కోపం వచ్చింది)

మాస్టారు: ఆపేయ్... ఆపేయ్.. అదే మీకూ నాకూ ఉన్న వ్యత్స్యాసం, పూర్వం ఎప్పుడో పడవల్లో పోయేప్పుడు పాడిన పాట, కట్టిన రాగమూను అది. ఇప్పుడు... బస్సులు, రైళ్ళు, విమానాలు, రాకెట్లు, జాకెట్లు, జెట్లు అన్నీ వచ్చేశాయా! స్పీడు... లోకమంతా స్పీడే. మన దైనందిన జీవితంలో ఎలా అయితే స్పీడు వచ్చిందో, అలాగే సంగీతంలో కూడా రావాలి...

అమ్మాయి: ఊ

(అమ్మాయి అలా ఊ కొడుతుంటే మష్ట్టారు ఇంకా గొప్పలు చెప్పుకోవటం ప్రారంభించాడు

మాస్టారు: ఈ విషయంలో నేను చాలా చాలా ప్రయోగాలు చేశాను, కొత్త కొత్త రాగాలు కనిపెట్టాను, కట్టాను. నిజానికి నా లాంటి మేధావి దగ్గర నువ్వు సంగీతం నేర్చుకోడం అన్నది నీ అదృష్టమే అనుకో ! ఇంతకన్నా ఈ విషయంలో నేనేం చెప్పలేను. ఈ పాట అసలు ఎలా పాడాలంటే...

అమ్మాయి: ఎలా పాడాలండీ?

మాస్టారు:

బ్రోచేవా రెవరురా

నినువినా.... టటటటా.... రఘువరా.....టటటటా....

నను బ్రోచేవా రెవరురా....

ఓ చతురా... ననా... దివందిత నీకు పరాకేల నయ్యా!

(ఇంతలో స్నానం చేసి తిరిగి వస్తున్న శాస్త్రి, శంకరం లు అక్కడ వస్తారు. "దాసూ" అంటూ శాస్త్రి కోపంతో అరచిన అరపుకి పక్కకు చూసిన మాస్టారు "ఆ... శంకరాభరణం గారా! రండి రండి... ముఖ్యంగా మీ లాంటి ఛాందసులు, నా లాంటి మేధావులు చేస్తున్న ఈ ప్రయోగాలు తప్పకుండా విని తీరాలి" అంటాడు.

శాస్త్రి అసహనంతో "అక్షరాల్న్తి నీ ఇష్ట మోచ్చినట్టు విరిచేసి, భావాన్ని నాశనం చెయ్యడమే నటయ్యా నీ ప్రయోగం? దాసూ.. ఆకలేసిన బాబు అమ్మ అని ఒకలా అంటాడు, ఎదురు దెబ్బ తగిలిన బిడ్డ అమ్మా అని మరొకలా అంటాడు, నిద్రలో ఉలిక్కిపడి లేచిన పాపడు అమ్మా అని మరొక విధంగా అంటాడు. ఒక్కొక్క అనుభూతికి ఒక్కో నిర్దిష్టమైన నాదం వుంది, శ్రుతి వుంది, స్వరం వుంది. ఆ కీర్తనలోని ప్రతి అక్షరం వెనుక ఆర్ద్రత నిండివుంది దాసూ... తాదాత్మ్యం చెందిన ఒక మహా మనిషి గుండె లోతుల్లోంచి గంగా జలంలా పెల్లుబికిన గీతమది, రాగామది. మిడిమిడి జ్ఞానంతో ప్రయోగం పేరిట అమృత తుల్యమైన సంగీతాన్ని అపవిత్రం చెయ్యకయ్యా! మన జాతి గర్వించ దగ్గ ఉత్తమోత్తమమైన సంగీతాన్ని అపభ్రంశం చెయ్యకు" అని, శంకరం తో కలిసి వెళ్ళిపోతాడు శాస్త్రి)

Sankarabharanam Songs -6

2011-10-03T01:30:00.000-07:00

శంకరాభరణం చిత్రంలోని పాటలు

Song : Eteeruga nanu dayajoochedavo

శంకర శాస్త్రి దెగ్గర ఎలాగైనా చేరాలని పట్టు పట్టిన శంకరం, అంతకుముందు శాస్త్రి చేత తిన్న చింపదెబ్బను దృష్టిలో ఉంచుకుని, వాళ్ళ అమ్మ మాటలను జ్ఞప్తికి తెచ్చుకుని ఈ సారి తంబూర పట్టుకుని శాస్త్రి గారి ఇంటి వీధి అరుగుపైన కూర్చుని కీర్తన పాడి శారద మెప్పు పొంది, శారద సిఫారసుతో శాస్త్రి గారి ఇంట్లో పనివానిగా చేరతాడు.

=======================================================================

పాట : 6 (ఏతీరుగ నను దయజూచెదవో)

గానం: వాణీ జయరాం

సంగీతం : కే.వి. మహదేవన్
రచన: రామదాసు (సంప్రదాయ కీర్తన)

రాగం: నాదనామక్రియ (మయమాలవ గౌళ)

నటీ నటులు: బేబీ తులసి, రాజ్యలక్ష్మి

=======================================================================

శంకరం:

ఏ తీరుగ నను దయజూచెదవో ఇనవంశోత్తమ రామా...

నా తరమా భావ సాగర మీదను నళిన దళేక్షణ రామా...

శ్రీ రఘునందన సీతారమణా శ్రితజన పోషక రామా...

కారుణ్యాలయ భక్త వరద నిను కన్నది కానుపు రామా...

Sankarabharanam Songs -5

2011-10-02T09:54:00.000-07:00

శంకరాభరణం చిత్రంలోని పాటలు

Song : Western Music Guys Heckling

ఉదయం చెరువులో స్నానం చేసి చెంబులో నీళ్ళు తీసుకుని వస్తున్న శాస్త్రీని చూసి మేడపైన ఉండే ప్రాశ్చాత్య సంగీతం పైన ప్రయోగాలు చేస్తున్న కుర్ర కారు శాస్త్రీ గారి శాస్త్రీయ సంగీతాన్ని గెలిచేస్తారు. తరువాత శాస్త్రీ గారు వారికి బుద్ది వచ్చేలా చేస్తాడు-వారు అడిగినట్టు శాస్త్రీ వారి ప్రాశ్చాత్య గానం చేస్తాడు కాని వారు శాస్త్రిలా రాగాలు తీయలేక సిగ్గుతో తల దించుకుంటారు. (ఇది కూడా ఇక్కడ పెట్టడం దేనికంటే ప్రాశ్చాత్య సంగీతానికి - శాస్త్రీయ సంగీతానికి గల తేడా తెలియటానికే - దేని గొప్ప దానిది, ఇతరుల సంగీతాన్ని అవహేళన చేయకూడదు అంటాడు శాస్త్రి ఇందులో).

=======================================================================

పాట : 5 (వెస్ట్రన్ మ్యూజిక్ కుర్రకారు గేలి)

గానం: మాధవ పెద్ది రమేష్, పట్టాభి, జిత్ మోహన్ మిశ్ర

సంగీతం : కే.వి. మహదేవన్
రాగం: ప్రాశ్చాత్యం
రచన: జంధ్యాల

నటీ నటులు: జే.వి.సోమయాజులు, ఏడిద శ్రీ రామ్ ప్రసాద్, రాంబాబు, జిత్ మోహన్ మిశ్ర

=======================================================================

హల్లో శంకర శాస్త్రీ.....
హౌ ఆర్ యూ ఏరియల్ శాస్త్రీ
లంబోదర లకుమికరా
అంబాసుత అమర వినుత
సరిగమ పదనీ మేస్త్రీ
ఓ పూర్ శాస్త్రీ....

Sankarabharanam Songs -4

2011-10-01T09:45:00.000-07:00

శంకరాభరణం చిత్రంలోని పాటలు

Song : Shankara Naadashareeraaparaa

తననే నమ్ముకు వచ్చిన తులసిని బెంగుళూరు కచ్చేరి నుండి తనతో బాటే ఇంటికి తీసుకువేలతాడు శాస్త్రి. ఒకనాడు ఊళ్ళో శారదా విద్యాలయం అనే సంగీత పాటశాల ప్రారంభానికి తనతో బాటు తీసుకెళతాడు శాస్త్రి. తులసి జాడ తెలుసుకున్న రత్నపాప అక్కడకు వచ్చి పదిమందిలో శాస్త్రి ని నా అమ్మాయిని లేపుకు వచ్చాడు అని దూషించి తనతో బాటు బలవంతంగా తీసుకెళుతుంది తులసిని. శాస్త్రి అవమానంతో ప్రారంభం చేయకుండానే వెనుదిరిగి వెళ్ళిపోతాడు. తరువాత తులసి శాస్త్రి గారి రికార్డులు వింటూ పాడుతూ కాలం గడుపుతుంది, ఒకరోజు పిల్ల జమిందారు వచ్చి తులసిని బలవంతం చేస్తాడు, నిస్సహాయురాలై మౌనంగా రోదిస్తుంది, కాని శాస్త్రి చిత్ర పటాన్ని కాలితో తన్ని దుర్భాషలాడటం సహించలేక తులసి శాస్త్రి ఫోటో గాజు ముక్క తోనే పిల్ల జమిందారును పొడిచి చంపేస్తుంది. అదే రక్తపు చేతులతో అదే రాత్రి శాస్త్రి ఇంటికి వెళ్ళిన తులసి ఆ రక్తంతో కాళ్ళను అభిషేకించి కన్నీరు కారుస్తుంది. అంతా గ్రహించిన శాస్త్రి తన స్నేహితుడు లాయర్ మాధవాచారి ఇంటికి వెళ్లి ఎంత ఖర్చైనా తులసి కి శిక్ష పడొద్దు అని చెబుతాడు, తులసి చేసింది ఏ నేరమూ కాదని, ఇది తల్లి రత్నపాప వాళ్ళ జరిగిన పొరబాటుగా ఆమెకే శిక్ష విధించి తులసి ని నిర్దోషిగా విడుదల చేస్తుంది కోర్టు. ఇంటికి తీసుకెళతాడు తన జట్కాలో శాస్త్రి. అది చూసిన నలుగురూ నాలుగు రకాలుగా అనుకుంటారు. ఎన్నడు కన్నెత్తి కూడా చూడని వంటమనిషి కూడా ఇలాంటి అంటూ సొంటు లేని ఇంట్లో తాను ఉండలేనంటూ వెళ్ళిపోతుంది. మడి ఆచారాలు అనేవి మనసుల్ని క్రమమైన మార్గంలో పెట్టడానికి తప్ప మనుషుల్ని కులమనే పేరుతో విడదియ్యడానికి కాదు తులసి అంటూ మడి నీళ్ళు వంట తులసి చేతనే చేయిస్తాడు శాస్త్రి. శాస్త్రి అభ్యుదయ భావాలకు తులసి ఎంతో పొంగిపోయి శాస్త్రి గొప్ప సంగీత విద్వాంసుడే కాదు గొప్ప మానవతా వాది అని మరింత అభిమానాన్ని పెంచుకుంటుంది.

ఆ రోజు గుళ్ళో బ్రాహ్మణులు, విద్వాంసులు, పెద్దలందరూ త్యాగరాజ ఆరాధనోత్సవాల మొదటి కచేరీకి ప్రతి ఏడు లానే శాస్త్రి ని ఆహ్వానిస్తారు. తులసి ని వెంటబెట్టుకు వెళ్ళిన శాస్త్రి పూజానంతరం తన కచేరిని మొదలు పెడతాడు. శాస్త్రి ఆజ్ఞతో వేదికపైన వచ్చి వీణను చేత పట్టతంతోనే మృదంగం వాయించే గోపాలం తో సహా వేదికపైన అందరూ దిగి వెళ్ళిపోతారు, వెంటనే వచ్చిన వారంతా వెళ్ళిపోతారు, ఇది చూసి నేశ్చేష్టురాలైన తులసి తన వల్లే శాస్త్రికి ఇంత అవమానం జరిగిందని అక్కడనుండి ఇంటికి వెళ్లి తన పెట్టె సర్దుకుని ఊరు వదిలి వెళ్ళిపోతుంది. అవమాన భారంతో శాస్త్రి ఆవేశంగా తన ఆరాధ్య దైవమైన శివున్ని శంకరా.... అంటూ దిక్కులు పెక్కటిల్లేలా పాడుతూ తనకు సమాధానం చెప్పాల్సిందే నని తాను చేసిన తప్పేంటని తలచి శివున్ని ప్రార్థిస్తాడు. శివుడు ఆవేశంలో ఉన్న శాస్త్రి పైన వర్షంగా గంగను కురిపించి శాంతింపజేస్తాడు. తాను లోకేశ్వరుడికి తప్ప లోకానికి భయపడనని శివుడు తనను సమర్థిస్తున్నాడని తులసికి తనకు ఉన్న సంబంధం ఆ సర్వేశ్వరుడికే తెలుసునని ఎవ్వరు ఏమనుకున్నా పరవాలేదు అని భావిస్తాడు శాస్త్రి.

త్యాగరాజ ఆరాధనోత్సవాలలో భాగంగా ఆరాధ్య దైవం ఆరాధనలో శాస్త్రి

=======================================================================

పాట : 4 (శంకరా నాదశరీరాపరా)

గానం: యస్.పి.బాలసుబ్రహ్మణ్యం

సంగీతం : కే.వి. మహదేవన్

రచన: వేటూరి సుందరరామ మూర్తి
రాగం : మధ్యమావతి
నటీ నటులు: జే.వి.సోమయాజులు

=======================================================================

శంకరా..... నాద శరీరాపరా

వేదవిహారా హరా జీవేశ్వరా

శంకరా..... నాద శరీరాపరా

వేదవిహారా హరా జీవేశ్వరా

శంకరా......

ప్రాణము నీవని గానమే నీదని ప్రాణమే గాణమనీ

మౌన విచక్షణ గాణ విలక్షణ రాగమె యోగమనీ

ప్రాణము నీవని గానమే నీదని ప్రాణమే గాణమనీ

మౌన విచక్షణ గాణ విలక్షణ రాగమె యోగమనీ

నాదోపాసన చేసిన వాడను నీ వాడను నేనైతే

నాదోపాసన చేసిన వాడను నీ వాడను నేనైతే
ధిక్కరీంద్రజిత హిమగిరీంద్రసిత ఖందరా నీల కంధరా

క్షుద్రులెరుగ నీ రుద్రవీణ నిర్ణిద్ర గానమిది

అవథరించారా విని తరించరా...

శంకరా..... నాద శరీరాపరా

వేదవిహారా హరా జీవేశ్వరా

శంకరా....

మెరిసే మెరుపులు మురిసే పెదవుల చిరు చిరు నవ్వులు కాబోలు

ఉరిమే ఉరుములు సరిసరి నటనల సిరిసిరి మువ్వలు కాబోలు

మెరిసే మెరుపులు మురిసే పెదవుల చిరు చిరు నవ్వులు కాబోలు

ఉరిమే ఉరుములు సరిసరి నటనల సిరిసిరి మువ్వలు కాబోలు

పరవశాన శిరసూగంగా ధరకు జారేనా శివగంగా

పరవశాన శిరసూగంగా ధరకు జారేనా శివగంగా
నా గాణలహరి నువు మునుగంగా ఆనంద వృష్టి నే తడవంగా.....

శంకరా..... నాద శరీరాపరా

వేదవిహారా హరా జీవేశ్వరా

శంకరా....... శంకరా.........

జరిగిన పరాభవానికి ఆవేశంతో శివున్ని వీరావేశంతో వేడుకుంటున్న శాస్త్రి

అభ్యుదయ భావాలతో తులసికి సంగీతంలో స్థానం కల్పించటం తప్పా అని
పరమశివుణ్ణి ప్రశ్నిస్తున్న శాస్త్రి

తన ప్రశ్నలకు సమాధానంగా, తాను చేసింది తప్పుకాదని
గంగను కురిపించి తన ఆవేశాన్ని చల్లబరిచిన శంకరునికి
నమస్కారాలతో కృతజ్ఞతలు తెలుపుకుంటున్న శాస్త్రి

Sankaraabharanam Songs -3

2011-10-01T05:37:00.000-07:00

శంకరాభరణం చిత్రంలోని పాటలు

Song : Raagam Taanam Pallavi

తులసిని చూసిన పిల్ల జమిందారు రత్న పాప ఇంటికి వెళ్లి తులసి కొరకే తానూ ఈ సారి ఈ ఊరు వచ్చాను అని చెబుతాడు, దానికి రత్నపాప ఈ రాత్రికే తులసిని నీ సొంతం చేస్తాను అని మాట ఇస్తుంది. ఇది విన్న తులసి ఇంట్లోంచి పారిపోయి బెంగుళూరు కచ్చేరికి వెళ్తున్నశాస్త్రి గారి రైలు ఎక్కి వెళుతుంది, రైల్లో తులసి ని చూసిన శాస్త్రి ఆమె అభిమానంతో వచ్చిందని గ్రహించి తనతో బాటు కచ్చేరికి తీసుకు వెళతాడు. శాస్త్రి సంగీతం అంటే ప్రాణం ఇచ్చే తులసి ఆయన మానవతకు, మంచితనానికి మరింత వీరాభిమానిగా మారుతుంది, కచ్చేరీలో శాస్త్రి గానానికి పరవశించి ఊహాలోకాల్లో విహరిస్తుంది.

శంకర శాస్త్రి కి గండపెరండ సన్మానం

రాగం తానం పల్లవి.....

=======================================================================

పాట : 3 (రాగం తానం పల్లవి)

గానం: యస్.పి.బాలసుబ్రహ్మణ్యం
రచన: వేటూరి సుందర రామ మూర్తి

సంగీతం : కే.వి. మహదేవన్
రాగం : రాగ మాలిక (పల్లవి, అనుపల్లవి - చారుకేశి)

నటీ నటులు: జే.వి.సోమయాజులు, మంజు భార్గవి

=======================================================================

రాగం తానం పల్లవి
రాగం తానం పల్లవి
నా మదిలోనే కదలాడి కడతేర మన్నవి
రాగం తానం పల్లవి
నా మదిలోనే కదలాడి కడతేర మన్నవి
రాగం తానం పల్లవి

నాద వర్తులై వేద మూర్తులై
నాద వర్తులై వేద మూర్తులై
రాగ కీర్తులై త్రిమూర్తులై
రాగం తానం పల్లవి

కృష్ణాతరంగాల సారంగ రాగాలు
కృష్ణలీలా తరంగిణీ భక్తి గీతాలు

కృష్ణాతరంగాల సారంగ రాగాలు

కృష్ణలీలా తరంగిణీ భక్తి గీతాలు

సస్య కేదారాల స్వరస గాంధారాలు
సస్య కేదారాల స్వరస గాంధారాలు
సరస హృదయ క్షేత్ర విమల గాంధర్వాలు

సరస హృదయ క్షేత్ర విమల గాంధర్వాలు

క్షీర సాగర శయన దేవ గాంధారిలో

క్షీర సాగర శయన దేవ గాంధారిలో
నీ పద కీర్తన సేయగా ... మమపదని
రాగం తానం పల్లవి
నా మదిలోనే కదలాడి కడతేరా మన్నవి

రాగం తానం పల్లవి

శృతి లయలే జననీ జనకులు కాగా

భావాల రాగాల తాళాల తేలి

శృతి లయలే జననీ జనకులు కాగా

భావాల రాగాల తాళాల తేలి

శ్రీచరన మందార మధుపమునై వ్రాలి

శ్రీచరన మందార మధుపమునై వ్రాలి
నిర్మల నిర్వాణ మధుదారాలే గ్రోలి

నిర్మల నిర్వాణ మధుదారాలే గ్రోలి
భారతాభినయ వేద..... వ్రత దీక్ష పూని

కైలాస సదనా... కాంభోజి రాగాన

కైలాస సదనా... కాంభోజి రాగాన
నీ పద నర్తన సేయగా... పదని

రాగం తానం పల్లవి

నా మదిలోనే కదలాడి కడతేర మన్నవి

ఈ క్రింద కనిపించే రెండు టెంపుల్స్ లో 26, 27, 28 నవంబర్ 1979 తేదీల్లో శంకరాభరణం రాగం తానం పాట షూటింగ్ జరిపారు. చూడటానికి రెండు ఒకే రూపు లో కనిపించినా భిన్నమైన కళాకృతులతో కూడుకున్న అందమైన దేవాలయాలు - ఈ పాట చిత్రీకరణలో నాయనానంద కరంగా ఉంటుంది.

బేలూర్ - చెన్నకేశవ టెంపుల్

హళిబేడు - హొయసలేశ్వర (శివ) టెంపుల్

Sankarabharanam Songs -2

2011-10-01T01:57:00.000-07:00

శంకరాభరణం చిత్రంలోని పాటలు

Song : Saarigaree gapadaapaa

కూతురు తులసి సంగీతాభిమానాన్ని గమనించిన శాస్త్రి తనతో బాటు చెరువుకు తోడుకు వచ్చి, నీళ్ళల్లో దింపి సంగీతం పాఠాలు నేర్పసాగాడు.

=======================================================================

పాట : 2 (సంగీత సాధన - ఆలాపన)

గానం: యస్.పి.బాలసుబ్రహ్మణ్యం, యస్.జానకి

సంగీతం : కే.వి. మహదేవన్

నటీ నటులు: జే.వి.సోమయాజులు, మంజు భార్గవి, బేబీ వరలక్ష్మి

=======================================================================

శంకర శాస్త్రి: సారిగరీ గపదాపా ||

శారద: సారిగరీ గపదాపా ||

శంకర శాస్త్రి: సరిగపదా పగరీ ||

శారద: సరిగపదా పగరీ ||

శంకర శాస్త్రి: రిగపదసా నీదాపా ||

శారద: రిగపదసా నీదాపా ||

శంకర శాస్త్రి: గపదపదప గపదపదప | గపదప ||
శారద: గపదపదప గపగ
శంకర శాస్త్రి: హూం
శంకర శాస్త్రి: గపదపదప గపదపదప | గపదప ||
శారద: గపదపదప గపదపదప | గపదప ||
శంకర శాస్త్రి: రిగపగపగ రిగపగపగ | రిగపగ ||
శారద: రిగపగపగ రిగపగపగ | రిగపగ ||

శంకర శాస్త్రి: సరిగ | రిగప | గపద | పదరిసా ||
శారద: సరిగ | రిగప | గపద | పదరిసా ||
శంకర శాస్త్రి: రిగప | గపద | పదస | దసగరీ ||

శారద: రిగప | గపద | పదస | దసగరీ ||

శంకర శాస్త్రి & శారద:
ససరిరి గగపప | రిరిగగ పపదద | గగపప దదసస ||

పపదద ససరిరిసా | రిసా | రిసా | రిసా ||

(పై రాగాలకు తులసి నాట్యం చేస్తూ చేస్తూ శాస్త్రి, శారద ల కు దెగ్గరగా వస్తుంది సడెన్ గా చూసిన శాస్త్రి గానం ఆపేస్తాడు, కూతురు శారద అక్కడ నుండి వెళ్ళిపోతుంది. తులసి వాళ్ళ సంగీత సాధనకు భంగం కలిగించాను అనుకుని ఖిన్నురాలై వెనుదిరిగి వెళుతుంటుంది. ఇంతలో శాస్త్రి గారు ఆ..... అంటూ రాగాలాపన చేస్తాడు, శారద కూడా ఆ రాగాలతో జత కలిపి రాగాలాపన చేస్తూ నాట్యం చేస్తుంది - ఈ సన్నివేశం చెప్పటం కంటే చూస్తేనే బావుంటుంది, మనసులు తెలిపే భావాలు అక్షారాల్లో తెలపడ అంత సాధ్యం కాదు)

తులసి: గపద | పగరి | రిగప | గరిస ||
శంకర శాస్త్రి : గపద | పగరి | రిగప | గరిస ||

శంకర శాస్త్రి : దసరి పదసా | గపదా రిగపా ||
తులసి: దసరి పదసా | గపదా రిగపా ||

శంకర శాస్త్రి : సానిద | నీదప | దాపగ | పదప ||
శంకర శాస్త్రి : సరిసా ||
తులసి: పదసరీగరి |
శంకర శాస్త్రి: సరీగరి |
తులసి: రిగ పదాపదా ||
శంకర శాస్త్రి: పదాపదా ||

శంకర శాస్త్రి & తులసి: సారీ | గాపా | దాపా ||

(శంకర శాస్త్రి రాగాలాపనలో తానూ శృతి, పాదాలు కదపడం మహాద్భాగ్యంగా, జన్మ ధన్యమైనదిగా భావించిన తులసి కృతజ్ఞతాపూర్వకంగా భక్తితో శంకర శాస్త్రి పాదాలకు నమస్కారం చేస్తుంది).

Sankarabharanam Songs -1

2011-09-29T05:36:00.000-07:00

శంకరాభరణం చిత్రంలోని పాటలు

Song : Omkaara naadaanu sandhaanamou gaaname

శంకర శాస్త్రి అంటే ఒక మహా సంగీత విద్వాంసుడు, ఎన్నో కచేరీలు చేసి ఎన్నో సత్కారాలందుకున్న సంగీత నిధి. శంకరాభరణ రాగం ఆయనకు ప్రీతీ పాత్రం. ఆ రాగంలోనే ఎన్నో పాటలు పాడి శ్రోతలను పరవషింప జేశాడు. ఆ శంకరాభరణమే ఆయన ఇంటిపేరుగా నిలిచిపోయింది. ఆ నాటి సంగీత విభావారికి రత్నపాప తన కూతురు తులసి తో కలిసి వస్తుంది. తులసి అమాయకురాలు, సంగీతం, నాట్యం అంటే ప్రాణం, శాస్త్రి సంగీతానికి తన్మయురాలై ఊహల్లో తేలిపోతుంది. చివర్లో రామవరం పిల్ల జమిందారు రావటం, సభా మర్యాద లేకుండా రత్నపాప తో ముచ్చటించటం, నిశ్శబ్దం భంగమై గానానికి అంతరాయం కలగటంతో పాటను ఆపేసి కోపంతో వెళ్ళిపోయాడు శంకర శాస్త్రి. ఏదైనా సహిస్తాడు శాస్త్రి కాని, సంగీతానికి అవమానం జరిగితే తన కూతుర్నైన క్షమించడు, తన జీవితాన్నే సంగీతానికి అంకితం చేసుకున్న మహాపురుషుడు. తులసి విన్న శాస్త్రి తొలి పాటకే అభిమానురాలై పోయింది.

"ఓంకార నాదాను సందానమౌ గానమే" అని శంకరాభరణ రాగంలో మధురాలాపన చేస్తున్న శంకర శాస్త్రి

శంకర శాస్త్రి గానానికి ముగ్ధురాలై ఊహలలోనే నాట్యం చేస్తున్న తులసి

=======================================================================
పాట : 1
గానం: యస్.పి.బాలసుబ్రహ్మణ్యం, యస్.జానకి
రచన : వేటూరి సుందరరామ మూర్తి
సంగీతం : కే.వి. మహదేవన్
రాగం: శంకరాభరణం
నటీ నటులు: జే.వి.సోమయాజులు, మంజు భార్గవి మొదలగువారు
=======================================================================

ఓం...ఓం.... ఓంకారనాదాను సందానమౌగానమే, శంకరాభరణము

శంకరగళ నిగళము శ్రీహరి పదకమలము

రాగ రత్న మాలికా తరళము శంకరాభరణము

శారద వీణా రాగ చంద్రికా పులకిత శారద రాత్రము

నారద నీరద మహతీ నినాద గమకిత శ్రావణ గీతము

రసికుల కనురాగమై రసగంగలో తానమై

పల్లవించు సామ వేద మంత్రము శంకరాభరణము

అద్వైత సిద్ధికి అమరత్వ లభ్డికి గానమే సోపానము

సత్వ సాధనకు సత్య శోధనకు సంగీతమే ప్రాణము

త్యాగరాజ హృదయమై రాగ రాజ నిలయమై

ముక్తి నొసగు భక్తి యోగ మార్గము మృతియె లేని సుధాలాప స్వర్గము శంకరాభరణము

ఓంకారనాదాను సందానమౌగానమే, శంకరాభరణము

పా దాని శంకరాభరణము

పమగరీ - గమపదని శంకరాభరణము

సరిసా - నిదపా - నిసనీ - దపమా - గరిగా - పమగా - పమద - పనిద సనిగారి శంకరాభరణము

దపా - దమా - మాపాదపా

గమమద - దనినిరి - మదదని - నిరిరిగ - నిరిరిగ - గమమగ - సరిరిస - సనిని దదప శంకరాభరణము

రీస సాస - రిరిసాస - రీసాస సనిస రీససని రిసని దానీనీనీ

దాదనీని - దదనీని - దానీని దనిస దనిసద నిసదని దగరిసాని దస దాదాదా

గరిగా మమగా - గరిగా మమగా గరిగమస - గామపద - మదసమ - గరిసరి

సరిగసరీ - గరిమగపమ దప మగప దపనిద - పమద నిదసని

రిస గరిసా - గరిసనిద - రీసా - రిసనిదప - సా

గరిసనిద - రిసనిదప - సనిదపమ - దపమగరి - గామాదా

నిదని పదమాప - రిసనిదప -రీ - దపమగరీ

రిసని దప - మగరిసని శంకరాభరణము...... శంకరాభరణమూ ........

Sankarabharanam-Kalatapasvi

2011-09-29T04:40:00.000-07:00

శంకరాభరణం రూపకల్పనలో కళా తపస్వి

చిత్రీకరణ చిత్రాలు -చిత్రంలోని చిత్రాలనూ గమనిస్తే ఆ మహానుభావుడు తాను మనసులో అనుకున్నది చిత్ర రూపంలో తేవడానికి ఎంత తపన పడ్డాడో అర్థం అవుతుంది.

షూటింగ్ చేసిన మొదటి షాట్ ఇది - శంకర శాస్త్రి పూజ గావించి పూజా నీరు పారబోయటానికి పల్లెరం తీసుకెళ్లటం
(చిత్రంలో ఈ సన్నివేశం తొలగించారు)

బ్రోచేవారెవరురా పాట చిత్రీకరణలో

బ్రోచేవారెవరురా పాట చిత్రంలో

శంకరాభరణమూ..... (బాలు, జానకి గళంలో) పాట చిత్రీకరణలో

శంకరాభరణమూ..... (బాలు, జానకి గళంలో) పాట చిత్రంలో

తన కొడుకు నోట శాస్త్రి పాటను విని శాస్త్రి గారు కనులముందు
మెదలినట్టు భ్రమపడుతున్న తులసి (చిత్రీకరణలో)

తన కొడుకు నోట శాస్త్రి పాటను విని శాస్త్రి గారు కనులముందు
మెదలినట్టు భ్రమపడుతున్న తులసి (చిత్రంలో)

శారద - కామేశ్వర రావు ల దేవాలయం-మరచెంబు సన్నివేశం చిత్రీకరణలో

శారద - కామేశ్వర రావు ల దేవాలయం-మరచెంబు సన్నివేశం చిత్రంలో

శారద పెళ్లి చూపులు - సామజ వర గమన పాట చిత్రీకరణలో

శారద పెళ్లి చూపులు - సామజ వర గమన పాట చిత్రంలో

Sankarabharanam-Sangeetha Saagaram

2011-09-29T04:30:00.000-07:00

సంగీత సాగర మధనం

సంగీత సాగర మధనంలో (రికార్డింగ్ కార్యక్రమంలో) శంకరాభరణం ఉద్దండ యూనిట్
మధుర సంగీత సృష్టి కర్త మహదేవన్-పుహళేంది, సంగీత సాగరుడు బాలసుబ్రహ్మణ్యం,
సుస్వర వాణీ జయరాం ల తో శంకరాభరణం సృష్టి కర్తలు - విశ్వనాధ్, ఏడిద నాగేశ్వర రావు

శంకరాభరణం రికార్డింగ్ సమయంలో నిర్మాతలతో, "శాస్త్రీయ బాణీలను చాలెంజ్ గా తీసుకుని అహర్నిశలు అవే ఆలోచనలతో శ్రమించి మహా సంగీత సాగరాన్నిమదించి సంగీతమే తానై నిలిచిన
సంగీత సాగరుడు" బాల సుబ్రహ్మణ్యం

శంకరాభరణం రికార్డింగ్ లో - కఠోర దీక్షా సాధనలో శంకరాభరణం తయారు

Sankarabharanam-Kalatapassu

2011-09-29T02:00:00.000-07:00

కళా తపస్సు

శంకరా భరణం షూటింగ్ లో కళా తపస్వి విశ్వనాథ్
వెనుక కళా సృష్టి కారకుడు (పూర్ణోదయ ఆర్ట్ క్రియేషన్స్ అధినేత) ఏడిద నాగేశ్వర రావు
ఇతర యూనిట్ సభ్యులు

కెమెరామెన్ బాలు మహేంద్ర కు సూచనలిస్తూ శంకరాభరణం షూటింగ్ లో కళా తపస్వి

తపస్సుకు మారు పేరు కళా తపస్వి

Sankarabharanam Film Details

2011-09-29T00:20:00.001-07:00

శంకరాభరణం చిత్ర విశేషాలు

FILM DETAILS

Shooting Started on: 11.06.1979

Film Released on : February 1980

BANNER : POORNODAYA ART CREATIONS

STORY, SCREEN-PLAY, DIRECTION : K.VISHWANATH

CO-DIRECTOR : NANDURI VIJAY

ASSISTANT DIRECTORS : VAMSHI, G.VENKATESHWARA RAO

PRODUCERS :

EDIDA NAGESHWARA RAO, AKASHAM SRIRAMULU

CO-PRODUCERS:

TADI RAMAKRISHNA, TADI HARIBABU, TADI BABJI

PRODUCTION CONTROLLER : G. PRUTHVIRAJ

PRODUCTION CHIEF : V.JAGANMOHANA RAO

TECHNICIANS

MUSIC : K.V. MAHADEVAN

LYRICS: VETURI SUNDARA RAMA MURTHY

SINGERS:

S.P.BALASUBRAHMANYAM, S.JANAKI, VANIJAYARAM, S.P.SHAILAJA,

MADHAVEPEDDI RAMESH, PATTABHI, JIT MOHAN MISHRA

DIALOUGUES : JANDHYALA

EDITOR : G.G.KRISHNA RAO

CAMERA : BALU MAHENDRA

ASSISTANT CAMERAMAN : PANDYAN

STILLS : K.SATYANARAYANA

DANCE : SHESHU

ART : THOTA

MAKEUP : MUNDURI SATYAM

COSTUMES : K.SURYA RAO

HAIR STYLE : RAMA MURTHY

RECORDING : A.R.SWAMY NATHAN

PUBLICITY DESIGNER : GANGADHAR, P.S.PANI

PRESS RELATIONS : I.ARJUNA RAO

PRODUCTION CHIEF : V.JAGAN MOHANA RAO

ROLES - ACTORS

Shankra Shastri : J.V.Somayajulu

Kameshwara Rao : Chandramohan

Madhavacharyulu : Allu Ramalingaiah

Gopalam : Sakshi Ranga Rao

Shankaram : Master Tulasiram

Jameendar : S.Bheemeshwara Rao

Veerigaadu : Arja Janardhana Rao

Dasu : Sri Gopal

Bangalore Secretary : Rajagopal

Client : Dhum

Western Group : Edida Sri Ramprasad, Jith Mohan Mishra, Rambabu

Subbaiah : Ganeshwara Rao

Tadi Satyanandam, Echuri, Vegi Nageshwara Rao, Venugopal, C.V.S.Rama Rao, S.P.Bharathi

Tulasi : Bhargavi

Sharada : Baby Varalakshmi, Rajyalakshmi

Baamma : Nirmala

Ratnapapa : Jhansi

Kaamakshamma : Pushpa Kumari

Vanta Attayya : Dubbing Janaki

చిత్ర విశేషాలు

11 జూలై 1979 న విజయా గార్డెన్స్ లో "ఓంకార నాదానుసందానమౌ" పాట రికార్డింగ్ తో చిత్ర నిర్మాణం మొదలయింది. కాగ మొదటి రోజే ప్రాబ్లం ఎదురుకున్నారు నిర్మాత, దర్శకులు. ఆ పాట ని బాలసుబ్రహ్మణ్యం, s.జానకి లు పాడాలి, కాని తను పాడే పాట కోరస్ లా చిన్నగా వుంది అని జానకి గారు రాను అంటే S.P.శైలజ చేత పాడించాలని అనుకున్నారు నిర్మాత, కాని బాలసుబ్రహ్మణ్యం గారు మొదటి రోజే అవాంతరాలు బాగోదని జానకి గారికి నచ్చ జెప్పి, ఒప్పించి జానకి చేతనే పాడించారు. ఇలా మొదలైన ఈ చిత్ర నిర్మాణం మొదలు నుండి చివరి వరకు ఎన్నో అవాంతరాలు దాటుకొంటూనే ఏడాది చివర్లో పూర్తి చేసుకుంది.
శంకరాభరణం చిత్రం లోని పాటలు పాడాలంటే బాలమురళీ కృష్ణ గారి వల్లే అవుతుందని ఆయన్ని సంప్రదిస్తే, తాను పాత్రలో నటించితేనే పాడతా ననడంతో బాలసుబ్రహ్మణ్యం గారి నడగటం, ఆయన తాను ఆ పాటలకి న్యాయం చేయలేనేమో నని తటపటాయిస్తే పుహళేంది గారు భుజం తట్టి ప్రోత్సహించి పాడించటం జరిగింది.
31 డిసెంబర్ 1979 న సెన్సార్ క్లియరేన్సు సర్టిఫికేట్ వచ్చింది. అన్ని కార్యక్రామాలు పూర్తి చేసుకుని 26 జనవరి 1980 న మొదటి కాపీ రిలీజ్ కు సిద్దమైంది, ఆ రోజు ప్రెస్ కాన్ఫరెన్స్ ఏర్పాటు చేసి సినీ ప్రముఖులు, పంపిణీ దార్లకు చూపించారు. పత్రికల వాళ్ళు పెద్దలు చాలా బాగుంది అని మెచ్చు కున్నారు కాని సినిమా కొని పంపిణీ చేయటానికి మాత్రం ఎవరూ ముందుకు రాలేదు. ఇది A క్లాస్ సెంటర్స్ లో తప్ప మామూలు జనాలు చూడరని నిర్దానకు వచ్చారు. ధైర్యం చేసి లక్ష్మీ ఫిల్మ్స్ అధినేతలు KLN ప్రసాద్, G.రాఘవేంద్ర రావు లు కొనుగోలు చేసి పంపిణీ చేశారు. ఫిబ్రవరి 1980 లో విడుదలైంది. పండితులే కాదు, పామరులూ మెచ్చారు చిత్రాన్ని, అనూహ్య సంచలనాలూ రేపింది, ఘన విజయాలు సొంతం చేసుకుంది. ఎక్కడ విన్నా ఆ పాటల రికార్డులే వినిపించేవి (నాకు తెలిసి ఒక 2 సంవత్సరాల వరకు ఎక్కడ చూసినా అదే చిత్రం, అవే పాటలు వినిపించేవి).
1980 లో 5 National Awards అందుకుంది ఈ చిత్రం. ఉత్తమ చిత్రగా రెండు విభాగాల్లో National Awards రావటం ప్రత్యేకత.(జాతీయ ఉత్తమ చిత్రంగా ఒక అవార్డు, ఉత్తమ వినోదాత్మక చిత్రంగా మరో అవార్డు లభించింది).
మహదేవన్ గారు ఉత్తమ సంగీత దర్శకులుగా, బాలసుబ్రహ్మణ్యం, వాణీ జయరాం లు ఉత్తమ గాయనీ గాయకులుగా ఈ చిత్రం ద్వారా జాతీయ అవార్డులు అందుకున్నారు.
SP బాలసుబ్రహ్మణ్యం ఈ చిత్రం ద్వారానే తన మొదటి జాతీయ అవార్డును అందుకున్నారు.
అప్పట్లో చంద్రమోహన్ పెద్ద హీరో, ఈ చిత్రంలో హీరో గా కాకుండా సైడ్ రోల్ వేయటంతో టైటిల్స్ లో ప్రత్యెక పాత్రలో అని వేశారు.
ప్రధాన పాత్ర అయిన శంకర శాస్త్రి పాత్రలో నటించిన J V సోమయాజులు నాటకాలు బాగా వేసేవాడు, కన్యాశుల్కం నాటకాన్ని 500 సార్లు వేయటం జరిగింది. రా రా కృష్ణయ్య చిత్రం షూటింగ్ కై మద్రాస్ రావటం చిత్ర నిర్మాతల్లో ఒకరైన ఏడిద నాగేశ్వర రావు కి సోమయాజులు మిత్రుడవటం వారు విశ్వనాధ్ గారికి పరిచయం చేయటం టెస్ట్ చేసి ఓకే చేయటం జరిగింది. (గాయకుడు బాలసుబ్రహ్మణ్యం కూడా సోమయాజులు గురించి విశ్వనాధ్ గారికి చెప్పి బాగా నటిస్తున్నాడు రా రా కృష్ణయ్య లో అన్నారట). ఈ చిత్రం తరువాత చాలా పొపులర్ అయిపోయాడు సోమయాజులు. శంకరాభరణం హిట్ అవ్వడంతో తను విశాఖపట్నం లో చేస్తున్న డిప్యుటీ కలెక్టర్ పనిని వదిలేసి సినిమాల్లో సెటిల్ అయ్యాడు. ఈ చిత్రం ద్వారా ఫిలింఫేర్ వారి ఉత్తమ నటుడు అవార్డు అందుకున్నాడు సోమయాజులు, అంతేగాక పలు సన్మానాలు, సత్కారాలు లభించాయి.
చిత్రంలో నటించిన మంజు భార్గవి అప్పటికి చేసిన రోల్స్ కి భిన్నంగా ఈ చిత్రం రోల్ ఉండటంతో పాత రోల్స్ ప్రభావం అనిపించకుండా అన్నట్టు టైటిల్స్ లో భార్గవి అని వేశారు.
ఈ చిత్రం లోని శారద పాత్ర ద్వారా చిత్ర రంగానికి పరిచయమైన రాజ్యలక్ష్మి తరువాత చాలా చిత్రాల్లో నాయికగా నటించింది.
శంకరం పాత్రలో నటించిన మాస్టర్ తులసిరాం తరువాత నటి తులసి గా చాలా చిత్రాల్లో నటించింది, అలాగే ఈ చిత్రంలో మరో బాల పాత్రలో నటించిన బేబీ వరలక్ష్మి తరువాత చాలా చిత్రాల్లో నటిగా నటించింది.
ఈ చిత్రం సహాయ దర్శకునిగా పనిచేసిన వంశీ తరువాత మంచుపల్లకి చిత్రం ద్వారా దర్శకుడిగా మారాడు.
ఈ చిత్రంలో పనిచేసిన ప్రతి ఒక్క ఆర్టిస్ట్ చిత్ర విజయం తరువాత విశేష గౌరవాలను, విపరీత పాపులారిటీ ని సంపాదించుకున్నారు, చాలా ఎత్తులకు ఎదిగిపోయారు.
ఈ చిత్రం తెలుగు చిత్రాల్లో కూడా ఇంత గొప్ప శాస్త్రీయ సంగీతం ఉంటుందని జగతికి చాటి చెప్పింది, ఈ చిత్రం దక్షినాది అన్ని భాషల్లోనే కాక ఉత్తర భారత దేశంలోనూ, హిందీ లోను అనువదించబడి అంతటా విజయ దుందుభి లు మ్రోగించి తెలుగు సినిమా ఖ్యాతిని ఉన్నత స్థానంలో నిలిపింది.
ఇప్పటి వరకు ఈ చిత్రపు సంగీతం సాధించినన్ని రికార్డులు మరే భారతీయ చిత్రం సాధించలేదు.
చిత్రంలో పాటలు వింటుంటే బాలసుబ్రహ్మణ్యం గుర్తుకు రాడు, శంకర శాస్త్రి మాత్రమె కళ్ళముందు మెదలుతాడు. ఇది సినిమా విడుదల అవక ముందే గ్రహించిన విశ్వనాధ్ గారు, టైటిల్స్ లో సోదరుడు బాలసుబ్రహ్మణ్యం కు శుభాశీస్సులతో అని ప్రత్యేకంగా వేయించారు. ఈ చిత్రం ద్వారా జాతీయ ఉత్తమ గాయకుని అవార్డు అందుకున్నాడు బాలసుబ్రహ్మణ్యం, అంతేగాక చెప్పలేనన్ని అవార్డులు, రివార్డులు, సన్మానాలు లభించాయి.
ఈ సినిమా విజయం మరెన్నో క్లాసికాల్ చిత్ర నిర్మాణాలకు ప్రాణం పోసింది, తెలుగు సినీ జగత్తులో ఆచంద్ర తారార్కం వెలుగులు విరజల్లె అజరామర చిత్రం ఇది.

Pushpalatha

2011-09-25T09:49:00.000-07:00

Pushpalatha - Actress

Pushpalatha - 1970s Tamil, Telugu actress, she acted in some films as heroin, latter acted as supporting actress in many Tamil, Telugu Films.

Pushpalatha

Pushpalatha Acted Films:

Telugu:

Peddakoduku (1972)
Memu Manushyulame (1973)
Annadammula Anubandham (1975)
Yugapurushudu (1978)
Rajaputra Rahasyam (1978)
Srirama Pattabhishekam (1978)
Vetagadu (1979)
Radhakalyanam (1981)
Kondaveeti Simham (1981)

Tamil:

Kumara Vijayam (1976)
Needhikku Thalaivanangu (1976)
Sathyam (1976)
Utthaman (1976)
Aadupuli Aattam (1977)
Annan Oru Koyil (1977)
Navarathinam (1977)
Athaivida Ragasiyam (1978)
Chittukurivi (1978)
Paruva Mazhai (1978)
Kalyana Raman (1979)
Malligai Mohini (1979)
Needhikku Mun Neeya Naana (1979)
Pagalil Or Iravu (1979)
Veettukku Veedu Vasapadi (1979)
Vetrikku Oruvan (1979)
Avan Aval Adhu (1980)
Dharmaraja (1980)
Geeta Oru Shenbagapoo (1980)
Kathal Kiligal (1980)
Kaali (1980)
Rusi Kanda Poonai (1980)
Soolam (1980)
Pennin Vazhakai (1981)
Muraiponnu (1982)
Shimla Special (1982)
Dowri Kalyanam (1983)
Ilayapiravigal (1983)
Seerum Singangal (1983)
Devi Sridevi (1984)
Oorukku Ubadesham (1984)
Pillaiyar (1984)
Uravai Katha Kili (1984)
Ammavum Neeye Appavum Neeye (1985)
Kalam Marudhu (1987)
Mamiyargal Jaakirathai (1986)
Poovaasam (1999)

Natasamrat SUDIGUNDALU

2011-09-20T09:57:00.000-07:00

NATASAMRAT AKKINENI

SUDIGUNDALU

Cast:
ANR, Vijayachander, Rammohan, Sukanya, M.Venkateshwara Rao, Pushpakumari, Sandhyarani,

Released on : 28.06.1968

ఈ రోజు అక్కినేని నాగేశ్వర రావు గారి 88 వ జన్మదినం. ఆ నట సామ్రాట్ మరిన్ని వసంతాలు చూడాలని, పది కాలాలు పచ్చంగా ఉండాలని ఆకాంక్షిస్తూ, ఆయన నటించిన చిత్రాల్లో నాకు నచ్చిన "సుడిగుండాలు" చిత్రం తాలూకు ఫొటోస్ ఇక్కడ పెడుతున్నాను. సుడిగుండాలు చిత్రం మరచిపోలేని ఒక మహా కావ్యం లాంటింది. అక్కినేని-ఆదుర్తి (అ ఆ) లు కలిసి తీసిన అధ్బుత చిత్రం, ఆలోచింపజేసే మంచి చిత్రం. తేనెమనసులు చిత్ర తారాగణం చాలా మంది ఈ చిత్రంలో నటించటం విశేషం.

Sudigundalu

Sudigundalu Nandi Award

CHALLANI NEEDA

2011-09-18T04:32:00.000-07:00

CHALLANI NEEDA

Cast : Jamuna, Haranath, Anjali, Gummadi,

Relangi, Suryakantham, Geetanjali, Prabhakara Reddy, Rajababu

Released on 22-06-1968

Challani Needa-1

Challani Needa-2

Bhale Kodallu

2011-09-18T04:01:00.000-07:00

BHALE KODALLU

Cast:
SVR, Janaki, Kanchana, Jayanthi,
Nagabhushanam, Ramakrishna, Chalam
& Rajashri

(Full Comedy Family Film, Released on : 26-04-1968)

Bhale Kodallu

Circar Express

2011-09-14T03:24:00.000-07:00

సర్కార్ ఎక్స్ ప్రెస్

This Film is remake from Malayalam Hit Film "Kochin Express".

Released on : 12.04.1968

CAST:
Krishna, Vijaya Nirmala, Vijaya Lalitha, Balaiah, Rajababu, Dr.Ramesh, Lanka Satyam Kottarakata (Malayalam Villain)

Banner: Gowri Art Films

Director: M.Krishnan
Producer: Y.V.Rao
Production: S.Bhavanarayana
Dialogues: Palagummi Padmaraju
Lyrics: Dr.C.Narayana Reddy
Music: Satyam
Camera: Madhu
Art: Godagaankar

CIRCAR EXPRESS - 1

CIRCAR EXPRESS - 2

Amayakudu

2011-09-03T09:32:00.000-07:00

AMAYAKUDU

Cast : Krishna, Jamuna

Released on 17 May 1968

Hero Krishna's 15th Film AMAYAKUDU

Welcome

2009-08-06T05:47:00.002-07:00

అందరికీ స్వాగతం - నే కన్నవి, నే విన్నవి, నాకు తెలిసినవి, నలుగురిని ఆనందింప చేసేవి చెప్పలన్నదే నా వుద్దేశం, తప్పులు వుంటే చెబితే సంతోషిస్తాను.